સચિન તેંડુલકરને ટેસ્ટ ઈતિહાસના મહાન બેટ્સમેનોમાંના એક ગણવામાં આવે છે અને તેને “ક્રિકેટનો ભગવાન” કહેવામાં આવે છે. તેણે ટેસ્ટ ઈતિહાસમાં સૌથી વધુ રન બનાવ્યા છે. તેણે ભારત માટે 200 મેચ રમી અને 15,921 રન બનાવ્યા. તેની એવરેજ 53.78 છે અને તેણે 51 સદી ફટકારી છે. આટલા વર્ષોમાં સચિન સૌથી વધુ રન બનાવનાર બેટ્સમેન રહ્યો છે અને તેની નજીક કોઈ પણ આવી શક્યું નથી. તેંડુલકરનો રેકોર્ડ હવે જોખમમાં છે અને જો રૂટ ટૂંક સમયમાં તેને પાછળ છોડી શકે છે.
શું જો રૂટ સચિન તેંડુલકરનો રેકોર્ડ તોડી શકશે?
જો રૂટ ઈંગ્લેન્ડનો સૌથી મહત્વપૂર્ણ ટેસ્ટ બેટ્સમેન છે અને તેની ઉંમર 35 વર્ષ છે. રૂટ આગામી 4-5 વર્ષ સુધી સરળતાથી ટેસ્ટ રમી શકે છે. આવી સ્થિતિમાં તેના માટે સચિન તેંડુલકરનો રેકોર્ડ તોડવો ખૂબ જ આસાન બની જશે. રૂટે અત્યાર સુધી 167 મેચોમાં 50.72ની એવરેજથી બેટિંગ કરીને 14,151 રન બનાવ્યા છે. તે સચિનથી માત્ર 1,770 રન પાછળ છે. રૂટે 2024માં 1,556 ટેસ્ટ રન બનાવ્યા હતા અને 2025માં 805 ટેસ્ટ રન બનાવ્યા હતા. આ દર્શાવે છે કે તે દર વર્ષે રન-સ્કોરર છે અને તેને સચિનથી આગળ નીકળવામાં એક કે બે વર્ષનો સમય લાગશે. ભારતીય દિગ્ગજનો શાનદાર રેકોર્ડ હવે જોખમમાં હોય તેમ લાગી રહ્યું છે. એવું લાગી રહ્યું છે કે ટેસ્ટ ક્રિકેટ ચાહકોને નવો ભગવાન મળવા જઈ રહ્યો છે.
